Minority Safepack Südtirol Alto Adige Logo

Plü stersc deboriada!
Sostëgn ince tö la sconanza dles mendranzes Tl’Europa

Sotescrí ince tö

Por mendranzes stersces tl’Europa

Tl’Uniun Europeica virel 50 miliuns de porsones che fej pert de na mendranza nazionala o linguistica, danter chëstes él ince les mendranzes linguistiches de Südtirol. La situaziun particolara de sconanza de nosc raiun garantida da nosta autonomia, dess ester n bun ejëmpl ince por les atres mendranzes tl’Europa che n’á nia i medemi dërc. I orun dé n sëgn sterch por che la sconanza dles mendranzes tl’Europa ciafes na fondamënta iuridica sterscia.

Südtirol é por les mendranzes

Ti Stac dla UE depënn la sconanza dles mendranzes dala legislaziun de vigni Stat. Nos orun che ince l’Uniun Europeica pois se dé jö cun la sconanza dles mendranzes fajon leges aposta y porchël sostignunse cun convinziun la racoiüda de firmes Minority Safepack metüda a jí dala FUEN (Federal Union of European Nationalities).

Ara nen vá …
… dla sconanza dles mendranzes tl’Europa.
… dla gran cumpëda de lingac y cultures.
… da realisé n’Europa dles regiuns.

Le Consëi provinzial de Balsan á tut la dezijiun, de setëmber dl 2017, cun düc a öna (ma öna na usc nia dada jö) da sostigní ativamënter chësta scomenciadia y da ti dé l’inciaria ala Junta provinziala da informé avisa döta la popolaziun.

Fá para Y firma!

Tres chësta scomenciadia zivica orunse porté pro che la Comisciun europeica fejes na proposta de lege por chi ciamps de sconanza dles mendranzes olache la Union Europeica á les competënzes.

Por che chësta scomenciadia veles, mëssera gní sostignida cina ai 3 de aurí dl 2018 da n miliun de zitadins dla UE y da almanco 7 di 28 Stac dla UE respetan le numer dles firmes odü dant da vigni Stat. Tla Talia corespogn chësc a 54.750 firmes.

Che pó pa firmé?

Düc i zitadins dla UE che á cumplí 18 agn.

Olá pón pa firmé?

a) Online sön la plata www.deboriada.bz
b) Ti comuns y ti zëntri di zitadins de Südtirol, olach’an ciafa i formulars aposta y les urnes por abiné adöm les zetoles (dai 5 de merz inant).

Co desson pa firmé?

Dlungia la data y la firma mësson dé dant l’inom y le cognom, la residënza, la data y le post de nasciüda, la zitadinanza y le numer de n documënt de reconescimënt (cherta d’identité o passaport).

Desćiaria le formular
Lasci firmé le formular a tü compagns y conescënc
y dál jö te to Comun.